Havalandırılan fasadların üstünlükləri: havalandırılan fasadlar bir sıra danılmaz üstünlüklərə malikdir ki, bu da onların bu gün populyar olmasını şərtləndirir:

• Divarların istilik izolyasiyası – isitmə mövsümündə istilik itkilərini və bunun nəticəsində istilik istehlakını əhəmiyyətli dərəcədə azaldır.
• Binanın divarlarının Günəş düşən tərəfdən qızması azalır.
• Etibarlı səs izolyasiyası – şəhərin səslərinin içəri dolmasının qarşısını alır
• Atmosfer təsirlərindən müdafiə – bu, evlərin və binaların xarici divarlarının istismar müddətini artırır.
• Konstruksiya və quraşdırma sadəliyi – bütün altsistem və bərkidicilər ən kiçik detallara qədər nəzərə alınmışdır. Yəni havalandırılan fasad konstruktor kimi yığılır.
• Uzunsürən istismar müddəti – alt sistemin hazırlandığı metalın və üzlük materialının markasından asılı olaraq havalandırılan fasadların istismar müddəti ən azı 50 ildir!
• İlin istənilən vaxtında sistemi quraşdırmağın mümükünlüyü – nə alt sistem, nə də üzlük materialı havanın temperaturundan asılı deyildir. “Nəm” proseslərinin olmaması havalandırılan fasadın ilin bütün fəsillərində quraşdırılmasına şərait yaradır!
• Yüksək səviyyədə yanğın təhlükəsizliyi – havalandırılan fasadlar konstruksiyaların KO yanğın təhlükəsizliyi sinfinə (yanğın üçün təhlükəli deyil) aiddir.